Пређи на главни садржај

МРТ ги враќа „Македонски идол“, „Икс фактор“ и Евровизија

 Стартува и нов 24 часовен музички канал...

    Македонската радио-телевизија најави една од најголемите програмски реформи во својата понова историја, а најмногу причини за задоволство има токму македонската музичка сцена. По неколку години во кои домашната музика речиси и да немаше свое место на националниот јавен сервис, МРТ најавува вистинско враќање на музичките содржини – од нов музички телевизиски канал, преку враќање на најпознатите музички натпревари, па сè до повторното учество на Македонија на Изборот за песна на Евровизија.

    Најголемата новина е трансформацијата на МРТ 3, кој од 28 септември во 17 часот официјално ќе стане 24-часовен музичко-забавен телевизиски канал. Наместо спортска програма, гледачите ќе добијат канал посветен на македонската музика, новите изведувачи, концертите, музичките емисии и промоцијата на домашната продукција.

    Одговорниот уредник на МРТ 3, Зоран Мирчевски, истакна дека новиот канал ќе биде место каде младите таленти ќе добијат простор за афирмација, а македонската музика повторно ќе биде во центарот на вниманието. Дополнително, МРТ официјално потврди дека започнува подготовката за враќање на два од најгледаните музички телевизиски формати кај нас – „Македонски идол“ и „Икс фактор“. Станува збор за формати кои создадоа бројни музички имиња и со години беа едни од најпопуларните телевизиски продукции во Македонија.

    Уредникот на Првиот програмски сервис, Стојан Трпчевски, најави дека покрај овие музички проекти се работи и на реализација на светскиот квиз-формат „Пасворд“, кој треба да понуди модерна семејна забава за сите генерации. Особено значајна е и потврдата дека Македонија повторно ќе настапи на Евровизија 2027, по повеќегодишна пауза. Од МРТ информираа дека во наредниот период ќе биде објавено на кој начин ќе се избира македонскиот претставник, а беше истакнато и дека годинава земјава ќе плати значително пониска котизација за учество во споредба со претходните години.

    Освен музичките содржини, јавниот сервис најави и враќање на детската радио-драма, Детскиот хор на МРТ, како и обновување на фестивалите за деца и возрасни, кои со децении беа препознатлив белег на Македонската радио-телевизија.

    Во новата програмска шема ќе бидат вклучени и нови поткасти со познати новинари, музичари и актери, меѓу кои Пеце од „Суперхикс“, Нора Шаќири, Ивана Кнез и Катерина Топалова. Воедно, Првиот програмски сервис ќе понуди и нови информативни формати, додека Централниот дневник ќе биде проширен на еден час со поголем простор за културата.

    Со овие најави МРТ испраќа јасна порака дека повторно сака да стане важен партнер на македонската музичка сцена. Доколку најавените проекти се реализираат во планираниот обем, следниот период би можел да означи почеток на едно ново поглавје за домашната музика на јавниот сервис – со повеќе простор за македонските изведувачи, нови музички формати и враќање на продукциите кои оставија силен белег кај публиката.


Извор на информации: Музика 24


#Магазин


Коментари

Постави коментар

Популарни постови са овог блога

Утре сите во град: „Бела ноќ“ со Игор Џамбазов, концерти и многу настани за сечиј вкус!

 Во Скопје се одржува „Бела ноќ“ со низа настани... Скопје утре, 3 октомври, е подготвено за „Бела ноќ“!   Концерти на отворено, диџејски журки, изложби, театар и детска програма ќе понуди годинашното издание на манифестацијата, во организација на ЈУ „Универзална сала“ и Град Скопје. Еден од главните музички настани е концертот на Игор Џамбазов и „Гуру Харе бенд“, кои ќе настапат во 22:00 часот на плоштадот „Мајка Тереза“, на платото пред МОБ. Публиката ја очекуваат блуз, рок и препознатливата енергија на Џамбазов и бендот. На Боемска улица ќе настапат Владимир Поповски со бенд и DJ Тоше Вељанов , додека кај фонтаната „Лотос“ вечерта ќе биде посветена на електронската музика: Flooder & Vaso од 20:30, DJ Vecky – Fluere од 22:00 и Invictoz – Sempre од полноќ . Програмата ќе ги опфати и платото пред Музејот на современата уметност, амфитеатарот зад Спомен-куќата на Мајка Тереза на улица „Македонија“, платото пред МКЦ, Мостот на уметноста, Порта Буњаковец, плошта...
Постави коментар
Прикажи све

Градот под Марковите Кули добива своја музичка серенда

Зад проектот стојат познатото музичко дуо Дац и Александар како и естрадната прилепска легенда Блага Петреска... Познатото музичко дуо Александар Митевски и Драган Спасов Дац, заедно со прилепската естрадна легенда Блага Петреска, денеска престојуваат во Прилеп, каде започнува снимањето на видео запис за нивната најнова серенада инспирирана токму од градот под Марковите Кули. Станува збор за емотивен музички проект кој, како што велат авторите, носи  „мирис на тутун и топлина од прилепчани“ . Песната е создадена како омаж на градот, неговата историја и луѓето, доловувајќи го оној препознатлив дух на Прилеп – тивок, но силен, искрен и длабоко вкоренет во традицијата. Снимањето ќе се реализира на повеќе препознатливи локации низ градот, додека централниот дел од атмосферата ќе се пренесе од  Стара чаршија Прилеп , каде околу пладне се очекува и непосредна средба со граѓаните. Организаторите најавуваат топла и спонтана атмосфера, исполнета со музика, насмевки и автентични моменти...
Постави коментар
Прикажи све

Со богата програма Прилеп го одбележува 11 Октомври

Со над 30 настани Прилеп одбележува 85 години од 11 Октомври... Со богата културно-уметничка програма која ќе биде повеќе од еден месец Прилеп ќе ги одбележи двата празници кои се од особено значење за Прилеп и прилепчани, а тоа се 11 Октомври денот на народното востание на Република Македонија и денот кога т.н пукнала првата пушка во Прилеп и празникот 3 Ноември-денот на целосното ослободување на Прилеп. Прилеп повеќе од месец дена ќе пулсира со настаните кои се оргнизирани за достојно одбележување на овие два знајачни прзници за Прилеп. Програмата за одбележување е следна: Од 1 до 3 октомври (четврток, петок и сабота) ќе се одржи Џез фестивалот „Прилепски џез викенд“ кој ќе се одржува во салата од киното „Мис Стон“ кое е сместено во просториите на Националната установа Центар за култура „Марко Цепенков“-Прилеп. На 4 октомври (недела) со почеток од 21:00 часот во големата сала од Националната установа Центар за култура „Марко Цепенков“-Прилеп ќе се одржи монодрмата „Менопауза“...
Постави коментар
Прикажи све