Пређи на главни садржај

Македонија со „Идната јас“ на Ана Стојаноска ќе се претстави на детската Евровизија 2026

Детската Евровизија за 2026 година ќе се одржи во Валета, Малта...

Македонија официјално ја започна својата приказна за Детската Евровизија 2026. Младата и талентирана Ана Стојаноска ја промовираше песната „Идната јас“, со која на 24 октомври ќе ја претставува Македонија на престижниот детски музички фестивал што годинава ќе се одржи во Валета, Малта.

Истовремено со песната, Македонската радио-телевизија го објави и официјалниот видеоспот, а уште по првите часови од премиерата, композицијата добива бројни позитивни реакции од публиката и љубителите на Евровизија.

Зад „Идната јас“ стои проверен авторски тим. Музиката ја компонираше Никола Мицевски, еден од најреномираните македонски композитори, додека текстот е дело на Илчо Нечовски, музичар и член на популарниот бенд „Дупер“. Резултатот е современа песна која носи силна емоција, но и инспиративна порака за секое дете. Од Македонската радио-телевизија истакнуваат дека „Идната јас“ зборува за вербата во сопствените способности, храброста да се следат соништата и останувањето верен на себе, без разлика на предизвиците што ги носи растењето.

Ана Стојаноска беше избрана за македонски претставник по јавна аудиција, на која стручната комисија едногласно ги препозна нејзините вокални способности, сценската сигурност и големиот уметнички потенцијал.

На сцената во Малта нема да биде сама. Во настапот ќе ја придружуваат танчарките Калина, Каја и Елена, додека за сценскиот концепт и кореографијата е задолжен Илија Карадакоски. Македонската делегација на Детската Евровизија ќе ја предводи Дијана Гогова. Со објавувањето на „Идната јас“ започнува и официјалното евровизиско патување на македонскиот тим, кој ќе се обиде со впечатлив настап, силна порака и квалитетна музика достојно да ја претстави Македонија пред милионската европска публика.

Сега останува публиката да ја прифати песната, а Ана на 24 октомври во Валета да ја претвори оваа музичка приказна во незаборавен евровизиски момент.


#Естрада

Коментари

Постави коментар

Популарни постови са овог блога

Утре сите во град: „Бела ноќ“ со Игор Џамбазов, концерти и многу настани за сечиј вкус!

 Во Скопје се одржува „Бела ноќ“ со низа настани... Скопје утре, 3 октомври, е подготвено за „Бела ноќ“!   Концерти на отворено, диџејски журки, изложби, театар и детска програма ќе понуди годинашното издание на манифестацијата, во организација на ЈУ „Универзална сала“ и Град Скопје. Еден од главните музички настани е концертот на Игор Џамбазов и „Гуру Харе бенд“, кои ќе настапат во 22:00 часот на плоштадот „Мајка Тереза“, на платото пред МОБ. Публиката ја очекуваат блуз, рок и препознатливата енергија на Џамбазов и бендот. На Боемска улица ќе настапат Владимир Поповски со бенд и DJ Тоше Вељанов , додека кај фонтаната „Лотос“ вечерта ќе биде посветена на електронската музика: Flooder & Vaso од 20:30, DJ Vecky – Fluere од 22:00 и Invictoz – Sempre од полноќ . Програмата ќе ги опфати и платото пред Музејот на современата уметност, амфитеатарот зад Спомен-куќата на Мајка Тереза на улица „Македонија“, платото пред МКЦ, Мостот на уметноста, Порта Буњаковец, плошта...
Постави коментар
Прикажи све

Градот под Марковите Кули добива своја музичка серенда

Зад проектот стојат познатото музичко дуо Дац и Александар како и естрадната прилепска легенда Блага Петреска... Познатото музичко дуо Александар Митевски и Драган Спасов Дац, заедно со прилепската естрадна легенда Блага Петреска, денеска престојуваат во Прилеп, каде започнува снимањето на видео запис за нивната најнова серенада инспирирана токму од градот под Марковите Кули. Станува збор за емотивен музички проект кој, како што велат авторите, носи  „мирис на тутун и топлина од прилепчани“ . Песната е создадена како омаж на градот, неговата историја и луѓето, доловувајќи го оној препознатлив дух на Прилеп – тивок, но силен, искрен и длабоко вкоренет во традицијата. Снимањето ќе се реализира на повеќе препознатливи локации низ градот, додека централниот дел од атмосферата ќе се пренесе од  Стара чаршија Прилеп , каде околу пладне се очекува и непосредна средба со граѓаните. Организаторите најавуваат топла и спонтана атмосфера, исполнета со музика, насмевки и автентични моменти...
Постави коментар
Прикажи све

Со богата програма Прилеп го одбележува 11 Октомври

Со над 30 настани Прилеп одбележува 85 години од 11 Октомври... Со богата културно-уметничка програма која ќе биде повеќе од еден месец Прилеп ќе ги одбележи двата празници кои се од особено значење за Прилеп и прилепчани, а тоа се 11 Октомври денот на народното востание на Република Македонија и денот кога т.н пукнала првата пушка во Прилеп и празникот 3 Ноември-денот на целосното ослободување на Прилеп. Прилеп повеќе од месец дена ќе пулсира со настаните кои се оргнизирани за достојно одбележување на овие два знајачни прзници за Прилеп. Програмата за одбележување е следна: Од 1 до 3 октомври (четврток, петок и сабота) ќе се одржи Џез фестивалот „Прилепски џез викенд“ кој ќе се одржува во салата од киното „Мис Стон“ кое е сместено во просториите на Националната установа Центар за култура „Марко Цепенков“-Прилеп. На 4 октомври (недела) со почеток од 21:00 часот во големата сала од Националната установа Центар за култура „Марко Цепенков“-Прилеп ќе се одржи монодрмата „Менопауза“...
Постави коментар
Прикажи све