Пређи на главни садржај

ТРИДНЕВЕН ЛЕТЕН БАЗАР - „СЀ ШТО ТИ ТРЕБА ЗА СОВРШЕНО ЛЕТО“, УНИКАТНИ ИНСПИРАЦИИ ОД ДОМАШНИ РАКОТВОРЦИ

Овој три дневен летен базар ќе се одржи од 19 до 21 јуни на приземјето од Скопје Сити Мол...

Во рамки на платформата Сити Базар, од 19 до 21 јуни на приземјето во Скопје Сити Мол ќе се одржи летен базар „Сѐ што ти треба за совршено лето“, на кој, своите рачно изработени производи ќе ги претстават 26 современи ракотворци.

 

На тридневниот базар ќе бидат претставени рачно изработени производи како органска козметика за заштита од сонце, рачно изработени летни шаторчиња, лепези, термоси и летни аксесоари за плажа, природни сапуни, уникатни летни чанти и марами, лековити и ароматични билки, етерични масла, летни аксесоари, уникатен накит, производи од кожа, декоративни предмети за домот, рачно насликана керамика, миризливи свеќи, детски изработки... Базарот се издвојува и по разновидноста на занаетчиските техники и материјали – од филигрански сребрен накит со современ дизајн, до рачно насликана керамика, накит од епоксидна смола и полимерна глина, како и производи изработени од природни материјали.

 

На летниот базар ќе се претстават брендовите: Poppy, Светник, Forest Stories, БЛИСКА, ЈУНИК КОРНЕР, Opullex Jewelry, Лила Handmade, Мое Сапунче, tilia.organica, Small Piece of Joy, Zen.Zeal, Лавита Агро, Апи Козметика, Декупаж Катче, Мое Катче, Матројшка, Игнеа Козметика, Јулија Барбун, Атеље Сиена, Marcy’s Handmade, vbunarovska, Вегама, SIRA Leather, Epoxy Handmade by Clay, Шарено Ќоше, Креативно Студио Алегра и Filigree LARGO.

 

Преку Сити Базар, Скопје Сити Мол, веќе години наназад создава простор за афирмација на домашното занаетчиство и креативна продукција, степенувајќи ја важноста на развојот на локалната сцена и зачувувањето на рачната изработка, како значаен сегмент од современото творештво. Со поддршката и промоцијата на локалните креативци, им се овозможува директен контакт со пошироката јавност и дополнителна видливост за нивните производи и занаети.

 

Летниот базар „Сѐ што ти треба за совршено лето“ ќе биде отворен за посетители од 19 до 21 јуни на приземјето во Скопје Сити Мол.



#Занимливости

Коментари

Постави коментар

Популарни постови са овог блога

Утре сите во град: „Бела ноќ“ со Игор Џамбазов, концерти и многу настани за сечиј вкус!

 Во Скопје се одржува „Бела ноќ“ со низа настани... Скопје утре, 3 октомври, е подготвено за „Бела ноќ“!   Концерти на отворено, диџејски журки, изложби, театар и детска програма ќе понуди годинашното издание на манифестацијата, во организација на ЈУ „Универзална сала“ и Град Скопје. Еден од главните музички настани е концертот на Игор Џамбазов и „Гуру Харе бенд“, кои ќе настапат во 22:00 часот на плоштадот „Мајка Тереза“, на платото пред МОБ. Публиката ја очекуваат блуз, рок и препознатливата енергија на Џамбазов и бендот. На Боемска улица ќе настапат Владимир Поповски со бенд и DJ Тоше Вељанов , додека кај фонтаната „Лотос“ вечерта ќе биде посветена на електронската музика: Flooder & Vaso од 20:30, DJ Vecky – Fluere од 22:00 и Invictoz – Sempre од полноќ . Програмата ќе ги опфати и платото пред Музејот на современата уметност, амфитеатарот зад Спомен-куќата на Мајка Тереза на улица „Македонија“, платото пред МКЦ, Мостот на уметноста, Порта Буњаковец, плошта...
Постави коментар
Прикажи све

Градот под Марковите Кули добива своја музичка серенда

Зад проектот стојат познатото музичко дуо Дац и Александар како и естрадната прилепска легенда Блага Петреска... Познатото музичко дуо Александар Митевски и Драган Спасов Дац, заедно со прилепската естрадна легенда Блага Петреска, денеска престојуваат во Прилеп, каде започнува снимањето на видео запис за нивната најнова серенада инспирирана токму од градот под Марковите Кули. Станува збор за емотивен музички проект кој, како што велат авторите, носи  „мирис на тутун и топлина од прилепчани“ . Песната е создадена како омаж на градот, неговата историја и луѓето, доловувајќи го оној препознатлив дух на Прилеп – тивок, но силен, искрен и длабоко вкоренет во традицијата. Снимањето ќе се реализира на повеќе препознатливи локации низ градот, додека централниот дел од атмосферата ќе се пренесе од  Стара чаршија Прилеп , каде околу пладне се очекува и непосредна средба со граѓаните. Организаторите најавуваат топла и спонтана атмосфера, исполнета со музика, насмевки и автентични моменти...
Постави коментар
Прикажи све

Со богата програма Прилеп го одбележува 11 Октомври

Со над 30 настани Прилеп одбележува 85 години од 11 Октомври... Со богата културно-уметничка програма која ќе биде повеќе од еден месец Прилеп ќе ги одбележи двата празници кои се од особено значење за Прилеп и прилепчани, а тоа се 11 Октомври денот на народното востание на Република Македонија и денот кога т.н пукнала првата пушка во Прилеп и празникот 3 Ноември-денот на целосното ослободување на Прилеп. Прилеп повеќе од месец дена ќе пулсира со настаните кои се оргнизирани за достојно одбележување на овие два знајачни прзници за Прилеп. Програмата за одбележување е следна: Од 1 до 3 октомври (четврток, петок и сабота) ќе се одржи Џез фестивалот „Прилепски џез викенд“ кој ќе се одржува во салата од киното „Мис Стон“ кое е сместено во просториите на Националната установа Центар за култура „Марко Цепенков“-Прилеп. На 4 октомври (недела) со почеток од 21:00 часот во големата сала од Националната установа Центар за култура „Марко Цепенков“-Прилеп ќе се одржи монодрмата „Менопауза“...
Постави коментар
Прикажи све