Пређи на главни садржај

ЕДНО ВИДЕО, ИЛЈАДНИЦИ ЕМОЦИИ – концертот што ја исполни арената Борис Трајковски

Највпечатлив момент беше големото оро...

Љубителите на македонската народна музика од денес имаат можност повторно да го проследат концертот на Влатко и Златко Миладиноски, кој минатата година се одржа во арената „Борис Трајковски“. Целосната снимка од настанот е објавена на официјалниот YouTube канал на Влатко Миладиноски.

Концертот предизвика голем интерес кај публиката и беше еден од најпосетените музички настани во арената. Во текот на вечерта беа изведени бројни љубовни, печалбарски, патриотски и народни песни, а публиката активно учествуваше во програмата пеејќи заедно со изведувачите.

Еден од највпечатливите моменти беше големото оро кое се формираше во салата, создавајќи атмосфера што многумина ја опишаа како вистинска прослава на македонската песна и традиција.

На сцената настапија повеќе од 30 музичари, а програмата беше збогатена со настапи на играорци, балетски и современи танчери. Покрај Влатко и Златко Миладиноски, како гости настапија Виданка Георгиевска, Влатко Лозаноски, Некст Тајм, Елена Андоновска, Дамјан Стојаноски и Дарко Стојаноски.

Свој настап имаше и гајдаџијата Стефче Стојкоски, додека воведниот текст го интерпретираше актерот Владо Јовановски, по текст на Регина Икономовска.

Зад организацијата на концертот стоеше тим од професионалци. Организатор беше Balkan Media, продуцент Трајче Петковски, видео продукцијата ја реализираше Moonlight, аудио продукцијата беше на City Sound, а сценографијата ја потпишува Зоран Тошески.

Со објавувањето на концертот на YouTube, публиката која не успеа да присуствува на настанот добива можност да го проследи во целост, додека оние кои беа дел од музичката вечер можат повторно да ги доживеат највпечатливите моменти од концертот во арената „Борис Трајковски“.

Целосната снимка од концертот „Влатко и Златко Миладиноски – Арена Борис Трајковски 2025“ е достапна на официјалниот YouTube канал на Влатко Миладиноски https://youtu.be/Poe4ZfgCgnk?si=20khW7XTEydzLMr-

По успешните концерти во Македонската опера и балет, на Античкиот театар во Охрид и големиот концерт во СЦ „Борис Трајковски“, Влатко Миладиноски веќе го најави и следниот нивен голем концерт кој ќе се одржи на 29 јули на антолошката сцената на локалитетот Хераклеја во Битола.


#Естрада

Коментари

Постави коментар

Популарни постови са овог блога

Утре сите во град: „Бела ноќ“ со Игор Џамбазов, концерти и многу настани за сечиј вкус!

 Во Скопје се одржува „Бела ноќ“ со низа настани... Скопје утре, 3 октомври, е подготвено за „Бела ноќ“!   Концерти на отворено, диџејски журки, изложби, театар и детска програма ќе понуди годинашното издание на манифестацијата, во организација на ЈУ „Универзална сала“ и Град Скопје. Еден од главните музички настани е концертот на Игор Џамбазов и „Гуру Харе бенд“, кои ќе настапат во 22:00 часот на плоштадот „Мајка Тереза“, на платото пред МОБ. Публиката ја очекуваат блуз, рок и препознатливата енергија на Џамбазов и бендот. На Боемска улица ќе настапат Владимир Поповски со бенд и DJ Тоше Вељанов , додека кај фонтаната „Лотос“ вечерта ќе биде посветена на електронската музика: Flooder & Vaso од 20:30, DJ Vecky – Fluere од 22:00 и Invictoz – Sempre од полноќ . Програмата ќе ги опфати и платото пред Музејот на современата уметност, амфитеатарот зад Спомен-куќата на Мајка Тереза на улица „Македонија“, платото пред МКЦ, Мостот на уметноста, Порта Буњаковец, плошта...
Постави коментар
Прикажи све

Градот под Марковите Кули добива своја музичка серенда

Зад проектот стојат познатото музичко дуо Дац и Александар како и естрадната прилепска легенда Блага Петреска... Познатото музичко дуо Александар Митевски и Драган Спасов Дац, заедно со прилепската естрадна легенда Блага Петреска, денеска престојуваат во Прилеп, каде започнува снимањето на видео запис за нивната најнова серенада инспирирана токму од градот под Марковите Кули. Станува збор за емотивен музички проект кој, како што велат авторите, носи  „мирис на тутун и топлина од прилепчани“ . Песната е создадена како омаж на градот, неговата историја и луѓето, доловувајќи го оној препознатлив дух на Прилеп – тивок, но силен, искрен и длабоко вкоренет во традицијата. Снимањето ќе се реализира на повеќе препознатливи локации низ градот, додека централниот дел од атмосферата ќе се пренесе од  Стара чаршија Прилеп , каде околу пладне се очекува и непосредна средба со граѓаните. Организаторите најавуваат топла и спонтана атмосфера, исполнета со музика, насмевки и автентични моменти...
Постави коментар
Прикажи све

Со богата програма Прилеп го одбележува 11 Октомври

Со над 30 настани Прилеп одбележува 85 години од 11 Октомври... Со богата културно-уметничка програма која ќе биде повеќе од еден месец Прилеп ќе ги одбележи двата празници кои се од особено значење за Прилеп и прилепчани, а тоа се 11 Октомври денот на народното востание на Република Македонија и денот кога т.н пукнала првата пушка во Прилеп и празникот 3 Ноември-денот на целосното ослободување на Прилеп. Прилеп повеќе од месец дена ќе пулсира со настаните кои се оргнизирани за достојно одбележување на овие два знајачни прзници за Прилеп. Програмата за одбележување е следна: Од 1 до 3 октомври (четврток, петок и сабота) ќе се одржи Џез фестивалот „Прилепски џез викенд“ кој ќе се одржува во салата од киното „Мис Стон“ кое е сместено во просториите на Националната установа Центар за култура „Марко Цепенков“-Прилеп. На 4 октомври (недела) со почеток од 21:00 часот во големата сала од Националната установа Центар за култура „Марко Цепенков“-Прилеп ќе се одржи монодрмата „Менопауза“...
Постави коментар
Прикажи све