„Фолк Фест Валандово“ на 26 и 27 Мај 2026 година...
На 26 и 27 мај 2026 година Валандово ќе биде
центарот на најголемите фолк музички случувања, бидејќи на 26 мај (вторник) во
ценатрот на Валандово ќе се одржи предфестивалската, а додека на 27 мај (среда)
во Домот на културата „25 Мај“ во познатата сала „Јанко Узунов“ ќе се
одржи големата фестивалска вечер од овогодишното 39. издание на добропознатиот
и надалеку признат македонски фествал на фолк мелодии „Фолк Фест Валандово“.
Градоначалникот на Валадново од редовите на ВМРО-ДПМНЕ Ѓоко
Камчев, уметничкиот дирекотор на фестивалот Илчо Јованов, техничкиот
директор на фестивалот Ѓоко Павлов и извршниот директор на фестивалот
музичарот Горјан Стојановски во ресторан „Порта Македонија“ во центарот
на Скопје ја одржаа официјалната прес-конференција која беше најава за големото
39. издание на „Фолк Фест Валандово“. Помеѓу бројните медиуми на прес-конференцијата,
беше присутна и екипата на порталот Инфо-Прилеп.
Според информациите од прес-конференцијата првата пред
фестивалска вечер 26 Мај ќе биде посветена на најголемите валадовски хитови и
песните кои оставиле траен белег пред се’ на македонската, а потоа и на
пошироката музичка јавност. Публиката на оваа вечер ќе има можност да ги слушне
добропознатите и признати македонски песни и композиции кои се во изведба на: Блага
Петреска, Елена Велеска, Кристијан Болеро Кико, Кате и Соната, Марјан Коцев и
Мишко Крстевски, а мини музички концерт пред присутните ќе одржи еден од
најпознатите и во моментов најбарани музички имиња на фолк сцената Влатко
Миладиноски.
Имено, на првата пред фестивалска вечер нашата сограѓанка
и веќе добропознато и признато македонско музичко име Блага Петреска ќе
ја добие наградата за животно дело. Оваа
награда која што ќе и биде врачена на Петреска претставува всушност една
огромна благодарност за нејзиниот огромен музички придонес на македонската
музичка сцена.
На 27 Мај на втората и официјална фестивалска вечер која ќе се одржи во салата „Јанко Узунов“ во Валандово ќе бидат претставени, а публиката ќе има можност да ги слушне големите 20 музички композиции, а тие ќе бидат во изведба на едни големи македонски музички имиња како Нино Величковски, Ивана Серафимовска, Благица Калева, Мишко Крстевски, Дејан Николовски-Чуле, Кристијан Божинов Кико, Благоја Грујовски, Распеани Валандовчани, Лени Партикова, Горан Тодоровски и Даце Николоски. Покрај овие нови фолк музички нумери кои премиерно ќе бидат изведени, Ленче Кукиќ додека трае гласањето пред валандовската публика ќе одржи мини музички концерт.
Овој познат македонски музички фестивал од своите
почетоци, пак, се до ден денес создава навистина големи музички хитови кои веќе
се неизоставен дел од секоја веселба, а такви се: „Стариот Џумбушлија“ во
изведба на Ана Бекута, „Бисер балкански“ во изведба на Гоце Николоски, „Ако
згрешам нека изгорам“ во изведба на Пепи Бафтировски, „Дојди ми Лено на
перниче бело“ во изведба на Драган Мијалковски, „Во црно вино утеха
нема“ во изведба на Перо Христов, „Лихнида кајче веслаше“ во изведба
на Ефто Пупиновски, „Има ли песна“ во издведба на Наум Петрески и многу
други познати и признати македонски песни кои што прв пат и премиерно биле
изведени на „Фолк Фест Валандово“.
На фестивалот покрај македонските музички ѕведи, учевство
имаат земено и многу познати имиња од поранешните југословенски простори, а
такви музички имиња се: Ана Бекута, Ханка Палдум, Мерима Његомир, Милан Бабиќ,
Биљана Јефтиќ и други.
Кога е во прашање „Фолк Фест Валандово“ едно е сигурно, а
тоа е дека ќе има многу музички хитови кои ќе се пласираат на радио и
телевизиските простори ширум Македонија, многу забава и убава дружба помеѓу
музичките имиња и седмата сила-новинарите.
Инаку, двете вечери (предфестивалската и фестивалската)
ќе бидат емитувани преку директен пренос на Првиот канал и Сателитскиот
канал од Македонската радио телевизија (МРТ) и Првиот канал на Македонското
радио-Радио Скопје, за гледачите и слушателите од целата Македонија и
целиот свет да можат да ја осетат музичката магија од овој најстар фестивал на
фолк мелодии во Македонија, а водителскиот пар Зоран Ѓорѓиев и Ели Танасковски ќе ја водат публиката низ музилкиот валандовски брод наречен „Фолк Фест Валандово“
На 26 и 27 Мај 2026 година македонскит град на Калинките ќе
биде центарот каде што ќе се одржува овогодишното 39. издание на првиот,
единствениот и најпрепознатливиот фолк фестивал „Фолк Фест Валандово“.
Христијан Ангелески
#Магазин
Коментари
Постави коментар