Култната македонска музичка група „Нокаут“ со концерт во СЦ „Јане Сандански“-Скопје...
Во убавиот амбиент на ресторанот „Пелистер“
на плоштадот Македонија во Скопје денеска култната музичка група Нокаут ја
одржа најавната прес-конференција по повод нивниот претстоен концерт кој е со
повод, а тој е 30 години постоење на оваа позната македонска музичка поп-рок
група.
ПР-от на Нокаут, Антонио Димитриевски
рече дека паметел кога Пере и целата прва екипа гостувале во неговата емисија
„Шоуто мора да продолжи“ кое тогаш се емитувало на тогашната Македонска
телевизија.
„Во Македонија да
живееш 30 години е проблем, а камо ли да имаш бенд, но со разно-разни
варијации. Јас паметам како да беше вчера кога Пере и првата екипа дојдоа кај
мене за емисија во тогашната Македонската телевија и шоуто „Мора да продолжи“.
Ја отпеаа онаа позната песна која тогаш беше хит на генерација, а сега е
евергрин.“-рече Антонио Димитриевски и додаде дека се работи за
концерт кој ќе биде исклучително значаен.
„Се работи за
концерт кој е исклучитлно значаен, не само заради опстојувањето на бендот и
сите нивни хитови кои низ годините ги создадоа Пере и екипата, туки и заради
тоа што ќе биде еден вистоински аудио-визуелен спектакл кои ретко се гледа или
е досега невиден за македонски бенд“-додава ПР-от на Нокаут, Антонио
Димитриевски
Пере кој е член и основач на групата
Нокаут за медиумите вели дека сцената во
Спортскиот центар „Јане Сандански“ е кружна за полесна комуникација и пратење
на публиката од сите страни.
„Ја покануваме
публиката таа саботна вечер да си поминеме убаво заедно со нас и со она што ние
го градевме еве веќе 30 години. Да не беа Игор Џамбазов, Дарко Гелеб-Брејк и
Дупер ние секако дека би свиреле во Младинскиот културен центар (МКЦ).
Возбудата за концертот е голема и кај нас и тоа се гледа и чувствува. За прв
пат ќе свириме на некаква кружна бина које е поставено централно во Спортскиот
центар „Јане Сандански“. Главната идеја беше да бидеме што поблиску до идејата.
Затоа се одлучивме да бидеме така поставени и да имаме комуникација и да бидеме
пратени од сите страни на публиката.“-изјави членот и основачот на групата
Пере.
Игор Џамбазов за концертот вели дека Нокаут
биле негова слабост, а тој нивна тежина и дека му било навистина драго што ќе
настапел со бендот со кои 20 години свирел и настапувал.
„Ова што ќе се
случи на 9 Мај на денот на победата над фашизмот има некаква приказна. Прв пат
ќе настапувам на овална сцена. Еден сум од ретките што повеќе од 10 години сум
настапувал со бендот и како 6 или 7 член на бендот од 2006 до пред некоја
година. Нокаут се мојата слабост, а јас сум нивната тежина. Драго ми е што ќе
свирам со бендот со кој 20 години настапував. Ќе ги отсвириме најголемите
хитови.“-кажа Игор Џамбазов.
Музичарот Дарко Гелев-Брејк за
концертот вели дека му е огромна чест што бил дел од 30 годишната музичка
приказна на Нокаут, а посебено му е драго што Игор Џамбазов се трудел
текстовите на песните да бидат вечни, а тие како група да пеат онака како што
требало да биде.
„Чест ми е што сум поканет
да бидам дел од нивната приказна, не само на концертот туку и сите овие песни
што заедно ги имаме снимано. Посебно ми ре драго што Игор Џамбазов се труди тие
текстови да бидат вечни, а ние да ги испееме така како што треба да биде. Убав
позитивен циркуз ќе направиме на 9 Мај во Спортскиот центар „Јане Сандански“-изјави музичрот
Дарко Гелев-Брејк.
Имено, на сцената со Нокаут ќе се појават
и настапат нивните музички гости, а тоа се: Дарко Гелев-Брејк, Игор Џамбазов,
Дупер, Дарко Димитров, Дамјан Пејчиновски и други кои ќе бидат убаво и интерсно
изненадување за публиката.
Концертот е со
почеток од 21 часот, а од групата апелираат публика да пристигне порано во самиот
Спортски центар, за да нема застој и да нема доцнење за почеток на концертот.
Инаку, според
информациите изнесени на денешната прес конференција концертот е целосно
распродаден што докажува дека македонската публика навистина ја сака и ја
негува македонската музика, а пред се музиката во поп-рок жанр.
#Естрада
Коментари
Постави коментар