Јован Јованов и Елвир Мекиќ најавија музички спектакл во А1 арената: Концертот на 6 јуни целосно распродаден

Со порака „Само еден концерт за цела Македонија“, Јован и Елвир најавија незаборавно шоу со бројни гости, визуелни изненадувања и бел дрес-код за целата публика во А1 aрена „Борис Трајковски“...

    Со особена чест денес во 13 часот во музичкиот бар „Интермецо“ во Скопје двајцата млади и во последниов период најатрактивните музички имиња, Јован Јованов и Елвир Мекиќ ја одржаа официјалната прес-конференција која е најава за големиот и спектакуларен концерт кој ќе се одржи на 6 јуни 2026 година (сабота) со почеток од 20 часот во А1 арената „Борис Трајковски“ во Скопје.

    Музичарот Јован Јованов вели дека на концертот ќе има многу новости што на ниту еден концерт во Македонија не се случиле, а Јованов вели и дека му е мило што после толку години се собрала старата екипа и нивни колеги кои подолго ги нема на естрадата да направат еден навистина убав и квалитетен концерт.

    „Драго ми е што сите ќе можете да ја доживеете атмосферата на концертот. Ќе има неколку новости што можам да кажам дека на концерти кај нас во Македонија не се случиле. Ќе има убава интеркација со целата публика со која сите заедно ќе го направиме тој визуелен ефекет. Интересно е тоа што сите ќе имаме облека во бела боја.  Мило ми е што после толку години одлучивме да се собереме , да ја собереме старата екипа, наши пријатели, колеги и другари кои исто така подолго време дел од нив ги нема на естрадата.“-вели Јован Јованов, музичар.

    Музичарот Елвир Мекиќ за концертот вели дека денот на одржувањето на концертот ќе бидел најбитниот ден во нивите животи.

    „Ви ветуваме добра забава на 6 јуни. Ве очекуваме сите да дојдете таму за заедно да се забавуваме, бидејќи овој ден ќе биде еден од најбитните денови во нашите животи.“-рече музичарот Елвир Мекиќ

    Имено, на концертот покрај двете главни музички ѕвезди Јован и Елвир публиката ќе има можност да ги виви и слушни Христијан Настески-Пајак, Тони Зен, Адријан Гаџа, Маја Саздовска, Џус, Слаџа Делибашиќ како и нивниот музиччки гостин, но кој ќе биде тој музичарите на денешната прес-конференција не открија туку оставија самата публика и медиумите да видат кој музичар ќе биде специјалниот гостин на самиот концерт.

    Картите за концертот кој се продаваа преку платформата MkTickets.mk се веќе распродадени.

    Претстојниот концерт на Јован и Елвир е под мотото „Само еден концерт за цела Македонија“ но исто така интересен е фактот што самиот концерт има едно мало интересно правило, а тоа е дека целата публика, изведувачите и претставниците на медиумите треба да бидат облечени во облека која ја има најубавата и најприфатливата боја, а тоа е белата што значи дека треба да се носи облека во бела боја. 

    На денешната прес-конференција покрај медиумите присутни беа музичарот Џина Папас-Џокси како и спортистот Перо Антиќ

    Инаку, минатата недела како најава за концертот на Јован и Елвир на 6 јуни во етерот беше промовирана новата песна на Јован Јованов, Елвир Мекиќ и Христијан Настески-Пајак која е под наслов „Делириум“ . Оваа нова песна за прв пат премиерно покрај премиерата на социјалните мрежи ќе биде изведена на самиот концерт на 6 јуни 2026 година во А1 арената „Борис Трајковски“ во Скопје.

Христијан Ангелески

#Естрада