Филмот го опишува животот на музичарот и естраден уметник Филип Николоски...
Месецот декември е месец кога се одржуваат многу настани,
а има и многу меѓународни денови. На меѓународниот ден на лицата со попреченост
3 декември во јавноста беше промовиран и новиот документарен филм „Нотите на животот“.
Новиот докумнтарен филм „Нотите на животот“ го опшиува
животот на нашиот сограѓанин и естраден уметник Филип Николоски. Во филмот покрај животот се опишува и
средношколскиот живот на Николоски во СОУ„Кузман Јосифоски-Питу“ во Прилеп.
Според изјавата на Николоски тој бил изненаден од
контактот кон него од страна на стручниот тим од училиштето за проект.
„По повод 3 декември меѓународниот ден на лицата со
попреченост ме контактираа од Економското училиште каде што сум поранешен
ученик за еден проект за кој бев навистина позитивно изненаден. „Нототе на
животот“ е документарен фил чија приказна ја опишува мојата приказна со
музиката и прекрасно поминатите средношколски денови во Економското училиште „Кузман
Јосифоски-Питу“ во Прилеп.“-вели Филип Николоски, естраден ументник и музичар.
Имено, Николоски е роден на 11.10.1999 година во Прилеп.
Тој е поранешен ученик во СОУ„Кузман Јосифоски-Питу“. Николоски има три негови
авторски песни „Тебе те нема“ , „Вози вози ме“ и „Само на добро нека е“.
„Само на добро нека е“ всушност претставува и најголемиот
хит на Николоски. Музиката и аранжманот за песната се на Рубин Димкоски, а
текстот е на Душко Темелкоски. „Само на добро нека е“ е песна која ја преработи
и легендарната и култна музичка група „Меморија“. Николоски на нивниот концерт
по повод 40 години од нивното постоење ја изведе токму „Само на добро нека е“.
Инаку, оваа песна доживеа да биде интерпретирана и на
манифестацијата „Златна бубамара на популарноста“ која што секоја година се
одржува во Скопје, а ја организира познатото скопско и македонско радио
Бубамара кое од неодамна започна со емитување на програма и на територијата на град
Прилеп на 100.5 ФМ фреквенција.
Николоски моментално е вработен во Јавната Здравствена Установа Општа болница со Проширена Дејност „Борка Талески“-Прилеп.
Еипата на ИНФО-ПРИЛЕП на Николоски му посакува многу среќа и успеси на приватен и професионален план!
Фото: Филип Николоски
#Естрада
Коментари
Постави коментар