Давид Давидовски во новата година очекува демократска Македонија со европски привилегии...
Новата година само што не стигнала, а јавните личности веќе почнаа да ги објавуваат нивните желби и идни планови за новата 2026 година. Еден од нив е и контроверзниот Давид Давидовски кој во новата 2026 година очекува сплотенсот на народнот, декомкратска Македонија со европски привилегии.
Инфо-Прилеп: Која беше најголемата илузија што Давид ја имаше на почетокот на 2025 година, а која сурово се распадна до крајот на годината?
Давид Давидовски: По тужбите од Игор Џамбазов и Вики Миљковиќ, поврзани со моето демократско право и слободата на говор, искрено мислев дека мојата кариера ќе запре, дека нема да просперирам. Но, животот покажа спротивно јас не само што опстанав, туку и издоминирав. Таа илузија се распадна, а на нејзино место дојде победа.
Инфо-Прилеп: Кој човек најмногу го разочара Давид оваа година и што точно научи од тоа предавство?
Давид Давидовски: Пејачот Александар Ристовски – Принц и колумнистот Никола. Тоа беа луѓе за кои лојално, чесно и професионално ги правев најдобрите можни емисии. Наместо почит, добив разочарување. Но ми подарија важна лекција, никогаш повеќе да не верувам „слепо“. Да се живи и здрави, животот си оди понатаму.
Инфо-Прилеп: Која битка Давид ја доби во 2025, а никој никогаш не ја виде?
Давид Давидовски: Јануари 2025 беше најмрачниот период. По едно мое ТВ-гостување, каде што бев гласен и директен на одредени теми, следеа тужби, закани по живот, закани со тепање. Во истиот период, директор на една моќна телевизија ме избрка затоа што сум бил храбар, а не „скромен“. Кулминацијата беше кога многу близок и сакан член од моето семејство доби сериозен здравствен проблемво тој период. Јас бев покрај таа личност, ја чував, додека светот ми се рушеше пред очи. Тогаш бев најразочаран од Македонија, но таа битка ја добив. Тивко. Сам.
Инфо-Прилеп: Кој професионален чекор во 2025 му докажа на Давид дека трпението навистина се исплаќа?
Давид Давидовски: Почетокот на мојата работа на телевизија, создавањето на најгледаната ТВ-емисија, како и периодот кога гостував во српските емисии во Белград – на Пинк и Ред телевизија. Сето тоа беше доказ дека кога чекаш, работиш и веруваш, резултатите доаѓаат.
Инфо-Прилеп: Каков беше твојот љубовен живот оваа 2025 година?
Давид Давидовски: Аууу… полошо никогаш не било. На љубовно поле оваа година беше навистина тешка. Имав авантури за една ноќ со многу девојки, но внатрешно не бев исполнет. Сепак, среќен сум што почувствував потреба да се смирам и повторно интимно да се поврзам со личност од моето минато, која искрено ја сакав. Успеавме да се доближиме, но повторно сфатив дека таа личност не е за мене. Сепак, јас сум за неа – седмица на лото.
Инфо-Прилеп: Ако Давид можеше да ѝ напише писмо на 2025, за што би ѝ се заблагодарил најмногу?
Давид Давидовски: Би ѝ се заблагодарил што моето семејство е живо, здраво и среќно – за мене нема поголема среќа од тоа. Благодарен сум што запознав една прекрасна пријателка, која воедно стана и мој бизнис-партнер. Благодарен сум за целата љубов што ја добивав од мојата најдобра публика. Преблагодарен сум за сѐ.
Инфо-Прилеп: Најголем естраден скандал или срам?
Давид Давидовски: Најголемиот естраден срам е тоа што дозволивме злобен човек и криминалец јавно да навредува луѓе и да нѐ прави сите будали без последици.
Инфо-Прилеп: Кои се твоите планови и желби за 2026 година?
Давид Давидовски: Јас, моето семејство, публиката и целиот македонски народ да бидеме среќни. Да нема глад и жед никаде. Да бидеме живи, здрави, емотивно и финансиски исполнети. Да бидеме весели, да уживаме во демократска Македонија со европски привилегии и, конечно, да се сплотиме и поддржуваме како народ.
#Естрада
Коментари
Постави коментар