На 13 декември во Македонската филхармонија Бојана Скендеровски ќе го одржи нејзиниот прв солистички концерт „Бесмртна“

Концертот е најавен како концерт посветен на љубовта и носталгичните чувства...

Бојана Скендеровски е естраден уметник со повеќе од две децениско музичко искуство. Во песните на Бојана се искажани доста емоции кој допираат до секое срце, до секое тело и до секој мозок. Бојана својата 20 годишна кариера ќе ја круниса со нејзиниот солистички концерт кој ќе се одржи на 13 декември (сабота) од 20:00 часот во големата сала на Македонската филхармонија. Концертот е под наслов „Бесмртна“ и тој всушност е првиот солистички концерт на Бојана по две децениска музичко-медиумска работа.

Имено, концертот наголемо се најавува како концерт т.е вечер која ќе биде исполнета со многу љубов, носталгични чувства но и како вечер во која публиката и фановите ќе имаат можност да ја видат Бојана во едно поинакво светло.

Бојана за концертот вели дека концертот е нејзината благодарност кон публиката, музиката и моментите што ја обликувале како уметник.

„Овој концерт е мојата благодарност кон публиката, кон музиката, но и кон сите моменти што ме обликуваа како уметник и како човек.“-вели Бојана и додава дека ќе пее со целото срце и дека ќе ја води публиката низ целата нејзина приказна.

„Ќе пеам со целото срце, ќе ве водам низ целата моја приказна. Ветувам многу љубов и вистински емоции.“-додава Бојана.

Инаку, влезниците се веќе пуштени во продажба преку продажната мрежа на kupikarta.com, a нивната цена се движи од 800 денари до 1000 денари.

Музика 24 на Бојана и посакува успешен концерт, а на вас драги и верни читатели ќе ви препорачаме да си купите влезница и да уживате во една доста квалитетна и емоционална вечер со добра и квалитетна музика, а таа вечер е ниту помалку, а ниту повеќе декемвриската саботна вечер на 13 декември за концертот од Бојана Скендеровски со почеток од 20:00 часот во Македонската филхармонија.

#Естрада