Пајак со нов летен хит под наслов „Марија“...
Кога мислевте дека летото полека ни бега, Пајак реши да нè врати на плажа со својата најнова песна – „Марија“.
Новиот хит веќе е пуштен на YouTube и за неколку часа собра куп позитивни реакции – и не е чудо! „Марија“ е вистинска летна бомба, песна што крева од столица и ве тера да се сетите на сите авантури од ова лето.
За музиката се потпиша самиот Пајак, текстот е во тандем со Елвир Мекиќ, а за препознатливиот „свеж“ звук заслужен е Иван Јованов – Ивајо. Исто така, песната доби и визуелно издание – видеоспот во режија на Б.Гордан, кој ја претставува „Марија“ како летна хероина од нашите сништа.
А најголемото прашање сега е: Која е Марија? Дали е реална девојка, летна љубов или само музичка инспирација – Пајак мудро молчи, а на публиката ѝ остава да си замисли сопствена „Марија“. Едно е сигурно – оваа песна ќе се врти цело лето и уште долго потоа.
Пајак повторно успеа да создаде нумера што го крева расположението и нè потсетува дека летото сè уште трае – барем низ ноти.
Во продоение слушѓнете ја „Марија“ на Пајак, уживајте и имајте убаво попладневно викендашко расположение!
Извор на информации:Музика 24
#Естрада
Коментари
Постави коментар