„11“ – среќниот број на Марија Шерифовиќ

Марија Шерифовиќ ја откри вистината за нејзиниот голем музички хит „11“...

За многумина тоа е само обичен број, но во животот на Марија Шерифовиќ бројот 11 има посебно значење. Токму поради тоа, пејачката еден од своите најголеми хитови го нарече „11“.

Песната беше објавена на 11 ноември во 11:11 часот, а долго време јавноста се прашуваше која симболика се крие зад овој наслов.

„Тоа е датум кој многупати ми се случувал, а јас сум родена во ноември. Единаесет е мојот среќен број, а во животот ми се случиле многу убави работи кои на некој начин имале врска со него“-изјави Шерифовиќ пред неколку години, откривајќи и кому му е посветена оваа песна.

„Најискрениот одговор би бил – мене. Ја направив за својата душа, но и за душата на сите оние кои во овој момент копнеат музиката повторно да биде она што некогаш беше“-рече Шерифовиќ за српскиот магазин Hello.

Марија не крие дека хитот е сткаен од чисти емоции, што и публиката веднаш го препозна.

„Понекогаш сите песни се собираат во една. Во неколку зборови може да се смести целиот живот и тогаш чувствуваш дека си дел од нешто големо што ќе живее долго по тебе. Уживајте!“- вели Шерифовиќ.

#Магазин