Детскиот хор „Мали Ангели“ со концерт во центарот на Прилеп

 Концертот беше на Камената Бина во центарот на Прилеп...

Градскиот детски хор „Мали Ангели“ кој работи под капа на продукцијата „Артист Медиа“, а чиј ментор е наставничката Маја Џопа имаа извонреден концерт. Концертот се одржа синоќа на Камената Бина на плоштадот „Александрија“ во Прилеп.

Дечињата од хорот заедно со наставничката Џопа на сцената пред многубројната публика ги изведоа старите и безвременски хитови на Влатко Лозаноски-Лозано, Даниел Кајмакоски, Брејк како и хитовите на еден од најпознатите детски македонски хорови „Златно Славејче“.

Имено, концертот беше извонредно прекрасен со прекрасните гласови на малите ангели како и со гласовите на Матеа Николоска (солист) и Теодора Настоска (солист), а како специјални гости на концертот беа поканети и свој настап имаа Ана и Алексеј кои беа претставници од Македонија на минатогодишниот јуниорски евросонг кои се одржа во салата Саја Magica во Мадрид (Шпанија).

Нас посебно ни се допадна настапот на Матеа Николоска која во живо пред публиката го отпеа добропознатиот и признат музички хит на Јелена Томашевиќ „Оро’’, а во публиката можеше да се забележи убавото расположение, а исто така таа помалку играше и пееше заедно со членовите на хорот и гостите Ана и Алексеј.

Инаку, градскиот детски хор на град Прилеп „Мали Ангели“ постои и активно работи од 2011 година, а неговата цел е да ја развива музичката култура кај децата. Исто така да напоменеме дека Мила Москов која исто така ја претставуваше Македонија на јуниорскиот евросонг во 2019 година и Александра Трајческа која е доста популарна пејачка во Македонија музичката кариера ја имаат започнато токму од хорот „Мали Ангели’’.

 

#Магазин