Вечерва во НУЦК„Марко Цепенков“-Прилеп ќе се одигра претставата „Пар Распар“ како дел од 59.МТФ„Војдан Чернодрински“

Денеска е шести ден од МТФ„Војдан Чернодрински“-Прилеп...

Вечерва со почеток од 18 часот на големата сцена од ЦК„Марко Цепенков“-Прилеп ќе се одигра театарската претстава „Пар Распар“ во изведба на НУ Театар „Комедија“-Скопје. Претсавата е во режија на Нина Николиќ, а улогите во претставата ги толкуваат актерите: Валентин Костадиновски, Атанас Атанасовски, Григор Јовановски, Тони Денковски, Сергеј Димоски, Виктор Арсов, Жаклина Петровска и Маја Љутков.

Имено, вечерва исто во големата сала од ЦК„Марко Цепенков“-Прилеп ќе биде изведена претставата „Слепци“ во изведба на НУ„Турски Театар“-Скопје. Претставата е во режија на Ќендрим Ријани, а улогите во претставата ги толкуваат актерите: Џенап Самет, Хакан Даци, Јеткин Сезаир, Сузан Акбелге, Фунда Ибрахим, Несрин Таир, Слаѓана Вујошевиќ, Емине Халил, Зубејде Али, Инес Радончиќ и Един Јакуповиќ.

Инаку, утре со почеток од 20 часот во големата сала од ЦК„Марко Цепенков“-Прилеп ќе бидат доделени наградите за најдобри театарски претстави и ќе биде одиграна претставата „Вистината“ во изведба на НУ Театар „Комедија“-Скопје со која ќе биде затворено овогодишното 59 издание на МТФ„Војдан Чернодрински“-Прилеп.

#Култура