Со доделувањето на наградите за животно дело и претставата „12“ беше отворено 59 издание на МТФ„Војдан Чернодрински“-Прилеп

Нагарада за животно дело добија актерите Снежана Конески-Руси, Гоце Тодороски и Соња Михајлова...

Во НУЦК„Марко Цепенков“-Прилеп со претставата „12“ беше отворено 59 издание на МТФ„Војдан Чернодрински“-Прилеп. Свеченото отворање беше синоќа на големата сцена во НУЦК„Марко Цепенков“-Прилеп, а истото започна со свеченото доделување на наградите за животно дело на актерите Снежана Конески-Руси, Гоце Тодоровски и Соња Михајлова.

Снежана Конески-Руси за наградата вели дека додека ги допирала сценските штици значи дека постоела и затоа ја добила наградата, а и била радосна и горда за истата.

„Веста за наградата за мене беше изненадување не сум очекувала такво нешто, бидејќи сум заборавила на наградите, повеќе мислам на следните проекти и актери. Ова е како ново чувство кое прв пат го доживувам, а во домот веќе по трет пат реално кажано но штом штиците ги допрам значи дека постојам и ја добивам нагарада. Радосна сум и горда.“-вели Конеска-Руси.

Актерката Соња Михајлова за наградата вели дека наградата за животно дело и значи дека оставила некаква трага врз културната театарска уметност која е дел од културниот идентитет на Македонија.

„За мене овој фестивал е пред се’ празник и вреднување на театарската уметност и влогот на театарската уметност и театарските уметници. Како дел од културниот идентитет на Македонија и од таа причина секако дека и оваа награда за животно дело ми значи дека сум оставила некаква трага врз културната театарска уметност која е дел од културниот идентитет на Македонија.“-вели Михајлова.

Актерот Гоце Тодорвски за наградта вели дека е задоволен од истата, а според него наградите се признанија на тоа што го работиш дека го работиш успешно.

„За наградта сум многу среќен, радосен, задоволен. Истата е признание и резултат на тоа што сум го правел досега на општо задоволство мое и на публиката, а јас со мене си го носам и знакчето дека имам добиено ордан од претседателот на Република Македонија. Наградите се добри признанија на тоа што го работиш дека го работиш успешно.“-вели Тодоровски.

Уметничкиот директор на фестивалот Ана Стојноска вели дека фестивалот во Прилеп носи многу настани и театарски претстави.

„Фестивалот носи многу настани и претстави што ќе се случуваат во Прилеп. Еве конечно да почне фестивалот, да ги отвориме вратите за публиката и гледачите да дојдат да видат како е. Да ги пречекаме гостите на фестивалот и почитуваните театарски уметници“-вели Стојаноска.

На отворањето на фестивалот присутен беше и Зоран Љутков, Министер за култура и туризам кој вели дека фестивалот е најзначаен и секогаш ја добивал доволната поддршка, а според Љутков истиот треба да се врати на патеките од пред 20 години кога освен фестивал истиот бил и празник за актерите.

„Фестивалот  е нашиот најзначаен и секогаш ја добивал доволната поддршка за да се одржува, но мислам дека овој фестивал треба да се врати на патеките така како што бил пред 20 години. Фестивалот не е обичен, а пред многу години фестивалот „Војдан Чернодрински“ беше и празник за сите актери. Јас од 18 годишна возраст сум доаѓал тука и сите бевме сместени додека трае фестивалот во „Липа“ и се дружевме со другите колеги, а сите театри во Македонија беа затворени во тој момент и беа преселени овде во Прилеп и Прилеп беше духот на театаарските случувања.“-вели Љутков.

Посетителите на фестивалот едногласни за тоа дека истиот треба да продолжи да се одржува, а според нив Прилеп по фестивалот бил препознаен и надвор од Македонија.

„Чест посетител сум на театарот, а традиционално фестивалот значи премногу за градот особено за културата. Сакаме и понатаму да продолжи како традиција  со оглед на тоа дека има и немили настани но се надевам дека се ќе биде во најдобар ред.“-вели посетител на фестивалот.

„Јас на фестивалот сум присутна секоја година, ако не за отворањето за некоја претстава сигурно . Кога имав повеќе слободно време одев на сите претстави, а на времето имаше и студентски во 10 во 12 така да ги гледавме сите. Мислам дека треба да продолжи традицијата на фестивалот, а на Прилеп му треба нов театар за да може сите тие таленти да се промовираат на некој начин“-вели посетителка на фестивалот.

„Фестивалот е карактеристично обележје на Прилеп кој веќе по 59 пат се одржува овде во Прилеп. Мислам дека Прилеп и надвор од Македонија го препознаваат по театарскиов фестивал. Јас сметам дека фестивалот треба да продолжи вака, а ако има можност добро би било да има и странски претстави.“-вели посетител на фестивалот.

Претставата „12“ која што е во режија на Синиша Ефтимов, а во продукција на Македонскиот народен театар во Скопје и во која улогите ги толкуваа актерите: Ѓорѓи Јолевски, Горазд Цветковски, Тони Мајловски, Сашко Коцев, Игор Џамбазов, Александар Микиќ, Никола Ристановски, Благој Веселинов, Јордан Симонов, Сенко Велинов, Оливер Митковски, Владо Јовановски и Тања Ивановска го отвори овогодишното 59 издание на фестиавлот.

Инаку, на овогодишното издание на МТФ„Војдан Чернодрински“ има 9 престави во официјална селекција од неколку театри од Македонија и 4 претстави во независна продукција, а има и нова програма насловена „Драмолетање“. Годинава фестивалот е под мототот „Смеј се и осмели се“, а фокусот е на тројца актери Благоја Спиркоски-Џумерко, Благоја Ристески-Платнар и Кирил Ристовски.

#Култура