Претставата ќе се игра во големата сала од НУЦК„Марко Цепенков“-Прилеп...
Театарската претстава
„Чиста куќа“ по текст на Сара Рул, режиија Тамара Стојаноска, драматургија Лидија
Митоска-Ѓорѓиевска, сценографија, дизајн на плакат и рекламен материјал Филип
Коруновски, костимографија Тамара Стојаноска (во координација со актерската
екипа) и продукција НУЦК„Марко Цепенков“-Народен Театар „Војдан
Чернодрински“-Прилеп премиерно ќе биде изведена претаставата „Чиста куќа“ на 31.05.2025 година (сабота) на големата
сцена од НУЦК„Марко Цепенков“-Прилеп.
„Претставата „Чиста куќа“
е во режија на Тамара Стојаноска, млада режисерка која прв пат режира во
нашата куќа. Овој проект е дел од годишната програма за работа на ЦК„Марко
Цепенков“-Прилеп од областа на драмската дејност и е финансиски поддржан од
страна на Министертсвото за култура и туризам и затоа им сме неизмерно
благодарни за нивната поддршка. Огромна благодарност испраќам до целиот тим на
„Чиста куќа“ кои работеа во нестандардни и ограничени услови, со огромна желба,
љубов и ентузијазам кон театарот“-вели Марија Попова-Јованоска, директор на НУЦК„Марко Цепенков“-Прилеп.
„Најпрвин сакам да се заблагодарам на актерската екипа и
техничкиот персонал, бидејќи иако театарот ги затвори вратите тој во ниту еден
момент не престана да работи. Режисерката на „Чиста куќа“ начека еден
турбулентен период но истиот го издржа и сум и премногу благодарен која што
беше и многу амбициозна и направи превод на текстот. Посебно мене како
раководител на НТ „Војдан Чернодрински“-Прилеп ме израдува што по објавата на
претставата на социјалните мрежи нашата претстава се продаде буквално за 20
минути, тоа е знак дека Прилеп треба да има театар, дека театарот треба да живее и дека Прилеп има публика која
што треба да се храни и да се негува. “-истакна Михајло Миленкоски, раководител на Народниот
Театар „Војдан Чернодрински“-Прилеп.
„Најпрво да се заблагодарам за шансата да режирам дома во
Прилеп. Ова е моја седма претстава но прва во државен театар. Ова е проект кој
го работевме по текст на Сара Рул една интересна авторка од која што „Чиста
куќа“ прв пат се поставува во земјава, а на театарските кругови е веќе
поставена во Драмскиот театар во Скопје со друг текст. Претставата „Чиста куќа“
се занимава со теми поврзани со животот и смртта. Дејството се одвива преку пет
различни ликови испреплетени на многу интересен начин и има многу
длабоко-човечки теми кој што исто така ќе допрат до публиката на различни
начини.“-вели Тамара Стојаноска,
режисер на театарската претстава „Чиста куќа“.
Имено, Стојаноска
додава и дека и’ е важно да работи со
талентирани актери кои се креативни за да може и таа да биде креативна.
„Многу ми е битно да работам со талентирани актери, а
најпрво со добри луѓе. Актери кои се креативни, кој што ќе ми дозволат и јас да
сум креативна и слободна и бидејќи, ми е прв пат во институција сакав да
работам со таква екипа така да имавме многу убав процес на работа“-додава Стојаноска.
„Претсавата по форма е камерна. Јас го играм ликот на
Лејн која е средена жена, докторка со некави принципи, фасади, правила, прописи
каде што полека но сигурно и се „распаѓа“ животот од разни причини и страни. “-вели Данела Иваноска, актерка во прилепскиот театар
„Војдан Чернодрински“-Прилеп.
Инаку, во претставата
играат актерите Наташа Ачански, Катерина Чакмакоска-Клинческа, Даниела
Иваноска, Јасмина Мицовска-Станкоска и Димитар Ѓорѓиевки.
Техничката екипа за
претсавата е во состав на: Елена Иваноска (инспициент), Томе Темелкоски
(тон-мајстор), Ристе Гркоски (светло), Сашо Смоковски (шеф на сцена), Гоце
Наумоски (реквизитер), Пеце Ристески (сликар исполнител), Снежана Ѓорѓиеска
(гардеробер), Даринка Богоеска (фризер-перикер) и Роберт Стојкоски, Владимир
Владимировски, Јане Јанкулоски (декоратери).
#Култура
Коментари
Постави коментар