„Љубов за сите“ беше поетско-ликовната манифестација во Прилеп што се одржа во чест на уметничката Андријана Мациев

Настанот се одржа во НУЦК„Марко Цепенков“-Прилеп...

„Љубов за сите“ беше насловот на поетската ликовно-музичка манифестација што се одржа во НУЦК„Марко Цепенков“-Прилеп во чест на уметничката Андријана Мациев-Ан, која што на 41 годишна возраст замина во вечноста и стана жив ангел небесен.

Манифестацијата беше вечер на многу емоции каде не беа изоставени солзите по обраќањето на мајката на Анријана, Јулија Мациевска која што накратко раскажа за бурниот живот и последните денови од животот на Ан.

Имено, на изложбата одична интерпретација на стихови објани во два алманси имаше актерот од прилепскиот Народен Театар „Војдан Чернодрински“-Прилеп, Игор Трпчески, а додека пак поетски стихови за Ан читаа Олга Вељаноска и Андријана Ристеска кој што напишале неколку стихови поезија за уметничката Андријана Мациев-Ан.

На манифестацијата беа изложени 22 дела од сите три ликовни циклуси на уметничката „Живот во бои“, „Женски приказни“ и Шарени вибрации-Разбуди се, погледни во сонцето и насмевни се“.

На крајот мајката на Андријана Мациев, Јулија Мациевска доби многу ппофални коментари за целиот настан „Љубив за сите“, а исто така таа на сите љубители на пишаниот збор кој купија од алмансите им напиша по некоја посвета.На настанот присуствуваа голем број на пријатели, поддржувачи и обожаватели на Андријана Мациев-Ан и Јулија Мациевска.

Инаку, Анријана Мациев е родена на 16 септември 1980 година, а во вечноста замина на 12 мај 2022 година, таа е македонска уметница која што средно образование завршила во Училиштето за применета уметност „Лазар Личеноски“-Скопје, а дипломирала на Факултетот за ликовни уметности во Скопје во класата на професор Димитар Миладинов. Мациев била член на Друштвото на ликовни уметници на Македонсија и на здружението „Широка Стаза“ од Земун, а исто така Мациев има учевствувано на меѓународната ликовна колонија ДРЕН.

Андријана Мациев има направено околу 30 самостојни изложби, има учевствувано на повеќе групни изложби, манифестации и колонии во Кочани, Скопје, Кавадарци, Крива Паланка, Прилеп и на други места во Македонија и станство. Добитник е на повеќе награди и признанија.

#Култура