Давид Давидовски: Системот сите не уништи, а мене ми ги покажа неговите остри заби

Водителот Давид Давидовски даде ексклузивно интервју за нашиот портал...

„Ништо не е повредно од смеата. Силен човек е оној кој може да се смее”. Со оваа теза со новинарот Давид Давидовски ќе ја започнеме денешната дружба и денешното скандалозно интервју со него, а исто така тој во нашето интервју одбра кои му се најубавите мажи и жени од естрадата според неговиот вкус.

Целото интервју читајте го во продолжение!

Инфо-Прилеп: Давид во овие денови на тага, денови кога тагува целата нација, неизбежно е прашањето, како си?

Давид Давидовски: Разочаран сум од системот, системот и мене ми ги покажал неколку пати досега своите остри заби, па затоа сум веќе навикнат на злоба и трагедија. Два пати до сега сум бил во Кочани, град кој беше синоним за мир, луѓето кротки, фини, чесни, добри, многу тагував и бев многу потресен како и целата наша нација. 

Инфо-Прилеп:  Кој е твојот совет за понатамошниот живот на жителите од Кочани, а и за цела нација?

Давид Давидовски: Дали со раѓањето го заслужуваме животот? Не баш, но дефинитивно сме втурнати во играта, па затоа имаме право ние да си поставуваме правила во таа игра, да се бориме за фер и чесна игра-живот!

Инфо-Прилеп: Што се случува моментално со твојот професионален живот?

Давид Давидовски: ,,Системки правила” се случуваат затоа моментално сум без работа, односно без емисии, ми остана само ангажманот во Метрополис радио. Знаете ли кој е најголемиот проблем во Македонија?

Живееме за туѓата несреќа, се храниме со туѓите проблеми, општествените, економските, па и проблемите од секоја сфера ги ставаме под тепих. Како да знаеме дека нема да има иднина во оваа земја, па многумина се плашат да направат новитети, да вложуваат, да прифаќаат, затоа сме несреќни и неуспешни како народ. 

Инфо-Прилеп: Може ли да очекуваме нешто ново од тебе кога станува збор за забавни телевизиски емисии во понатамошниот период?

Давид Давидовски: Амириканците имаат една многу убава фраза која ме опишува менe ,,workaholic” се вика, епа јас сум зависник од работа, така да треба да се очекува! Инаетот страшно ме владее периодов, затоа што многу постари и помоќни луѓе од мене ми направија страшна хајка! На 6-ти март ми доставија и докази за таа тиранија, така доста е веќе да ме забрануваат затоа што се облекувам светски и поразлично од сите. Апсурдност е да не вршат тиранија на некој криминалец од водител, а да го забрануваат и цензурираат младиот и најчесниот човек Давид Давидовски само затоа што се облекува “едерски”.

Сите мои фанови, а и целата нација би можел сега да ја израдувам со тоа што ќе кажам- месец мај! Имам и понуда да купам и една веќе постоечка фреквенција. 

Инфо-Прилеп: Дали некогаш си помислувал на емиграција?

Давид Давидовски: Мислам дека не постои млад човек кој е од Македонија, а да не размислувал за емиграција, така и јас. Жално е ова, но мора да се признае дека менталитетот исполнет со злоба, проклетост, ограничување, оцрнување, а воздигнување на хипокритите, криминалците и насилниците не уништи и затоа многу луѓе избегаа од земјава.

Инфо-Прилеп: Наброј твои најдобри и најлоши карактеристики кои се дел од твојот каркатер.

Давид Давидовски: Добри карактеристики ми се лојалноста, амбициозноста, чесноста, одговорноста, сочуствотелноста,  грижливоста, а мајчински сум настроен спрема сите, а додека пак, лоши карактеристики ми се  доцнењето, мрзеливоста, брз сум со носењето на одлуките, егоист сум, злопамтило сум, искрен сум.

Инфо-Прилеп: Кои ти се омилени гости од емисијата ,,Ти реков ми рече”?

Давид Давидовски: Штом сум ги виканал значи сите, добро освен еден човек. Не знам еве вака: Милена, Тоше, Бојана, Лара, Александра Јанева, Баркли, Бомба, Јанко, Марко, Сања, Васко Тодоров, Миле Кузмановски, Бени Шаќири, Игор и други.

Инфо-Прилеп: Кои се најубавите јавни личности според твојот вкус?

Давид Давидовски: Ако некој се налути ми е гајле искрено, секој има право на свој вкус (се смее). Од жени Агнеса, Ем, Ивана Јанковска, Сузана Гавазова, Кристина Димитри, Бисера Ловачева Бојана, Сања Барби и уште многу други.

А од мажи: Дарко Гелев, Јоце Панов, Павле Камилоски, и мажи имаме доста убави и симпатични. 

Инфо-Прилеп:Твој став за сите останати наши ток-шоуа? 

Давид Давидовски: Непотребен трошок, за неколку гледачи кои сакаат македонска култура, но се приморени да гледаат неитересни водители кои најголемиот порив им е да бидат клонови на Давид Давидовски.                                                                           

Инфо-Прилеп: За крај, на што даваш предност на радиото или на телевизијата?

Давид Давидовски: Телевизија затоа што јас сум цел пакет и сакам адреналин,  а радиото ми е ,,лексилиум”, ми ги смирува нервите.

Екипата на ИНФО-ПРИЛЕП на Давидовски му посакува здравје, среќа, успеси и просперитет.

#Естрада