Стенд-ап кимичарот даде екслузивно интервју за нашиот портал...
Целото интевју моежете
да го читате во продолжение!
Инфо-Прилеп: Од каде желбата и инспирацијата за
занимавање пред се’ со комедија, а потоа и со стенд-ап?
Александар Георгиевски:Секој си има некој „издувен вентил“, а кај мене тоа е
хуморот. Мислам дека од мал бев оној во друштвото што знаеше да се глупира и да
ги насмее луѓето, сето тоа со интерни шеги. Публиката ме знае и како џе вижн, а
тоа беше еден портал кои си го имав направено како хоби. На порталот главно
пишував хумористични вицови и содржини и беше направен само за мојот најблизок
круг, но кога видов дека тоа се шири и дека други луѓе од целата држава реков
„Зошто да не се занимавам со стенд-ап комедија?’’ и така се „скрши мразот“ за моето занимавање со стенд-ап комедии.
Инфо-Прилеп:Поголем дел од публиката те препознава по
тик-ток видеото кое е направено за прекинот со водоснабдувањето во Скопје и со
исклучувањето на третиот блок во Рек Битола. Од каде идејата за тоа видео со
оглед дека глумиш две девојки поранешни колешки од факултет каде едната живее
во Битола, а другата во Скопје?
Александар Георгиевски: Ривалството помеѓу Битола и Скопје всушност е главниот
виновник (се смее) за тоа видео. Сите луѓе сме горе-долу некаде исти и да не
живееме со тие стереотипи на градски и на селски. Сите имаме проблеми, а
градовите кои ги знаевме како убави, убави останаа само во песните.
Инфо-Прилеп: Марјан Георгиевски е исто твој ние би го
нарекле колега стенд-ап комичар, а исто така и тој е од Битола. Дали помеѓу вас
има натпревар односно конкуреција кој од вас двајцата е подобар во стенд-апот?
Александар Георгиевски: Некој ќе рече конкуренција и дека некој некого копира,
поготово за мене дека помлад од Марјан ќе речат дека го копирам. Некој си
мислат дека со Марјан сме роднини меѓутоа не сме. Сосема е случајо тоа што и
двајцата се презиваме исто, а моето мислење за Марјан е сосема коректно и се’
најдобро што може да се каже. Марјан е еден од основоположниците на стенд-ап
комедијата во Македонија. Марјан мене ми има доста помогнато и има доста голема
почит према мене како негов помлад колега, а во секое време сака да помогне и
да биде поддршка.
Инфо-Прилеп: Шро мислиш за неговата „Луда Куќа“ која што
е доста позната во Македонија, а и во делови од соседна Србија?
Александар Георгиевски: Интересно и пред се уникатно сценарио. Марјан успеа во
три-четрили лика да ги долови семејствата во Македонија и нивните секојдневни
проблеми и среќи со кои живеат. Јас само ќе му се поклонам и ќе речам „Секоја
чест’’ еден од многуте успешни проекти на Марјан.
Инфо-Прилеп: Дали ти како негов помлад колега се надеваш
и сакаш во иднина да снимите стенд-ап видео за на социјалните мрежи, а и да
направите заеднички стенд-ап настап?
Александар Георгиевски: Половина од работата е веќе готова. Јас сакам уште тој
да сака и работата со тоа е наредена, секако доколку во иднина се пружат такви
услови и на некаков начин ќе соработуваме, а мене тоа ќе ми биде навистина
голема привилегија, чест и задоволство да ја делам сцената со него.
Инфо-Прилеп: Дали планираш твој стенд-ап настап да
направиш во сала како што се салите од центрите за култура ширум Македонија?
Александар Георгиевски: Гледам да „растам“ чекор по чекор за да можам сам да ги
полнам тие сали. Некоклу пати сум бил во сала и сум настапил но, сите тие
настапи биле комбинација од два настапи каде што сум се појавил или сум бил
еден вид на ворбап на мој колега, а најчесто тоа биле хуманитарни настапи. Се
градам и растам се’ повеќе и повеќе со оглед на тоа што периодов работам со
екипа и се надевам дека еден ден ќе стигнам до тоа ниво да настапаувам и сам да
полнам сали.
Инфо-Прилеп: Дали во иднина планираш хумористични емисии
на телевизија со оглед на тоа што во Македонија телевизијата е еден од
највлијателните медиуми врз населението?
Александар Георгиевски: Спрема телевизијата немам одбивност но, досега не сум
размислувал на оваа тема. Доколку се случи некоја таква понуда и се склопат
коцките зошто да не, би ја прифатил понудата и би снимал стенд-ап видео комедии
за на телевизија.
Инфо-Прилеп: За крај. Што би им порачал на нашите
читатели?
Александар Георгиевски: На вашите читатели ќе им посакам пред се’ здравје и
среќа, да читаат Инфо-Прилеп затоа што порталот со својата професионалност и
вистинити информации кои се брзи точни и навремени е број еден портал во Прилеп
и во пелагонискиот регион и да ги поддржуваат македонските артисити без разлика
дали тоа се музичари, актери, стенд-ап комичари или било што друго.
Екипата на Инфо-Прилеп
на Георгиевски му посакува здравје, среќа, љубов, многу успеси и уште многу
стенд-ап настапи ширум Македонија.
#Естрада
Коментари
Постави коментар