Со денешното отворање на
традиционланата изложба на маски започнаа чествувањата за празникот Прочка во
Прилеп. На изложбата можеа да се видат стотици убави маски кои беа изработени
во различни техники. Традиционланата изложба на маски во Прилеп е од награден
карактер, поставена е во ликовниот салон од НУЦК„Марко Цепенков“-Прилеп, а
граѓаните ќе можат да ја погледант во наредниве седум дена.
Хана Ајровиќ, ученичка
во ООУ„Пере Тошев’’ во прилепско Десово вели дека нејзината маска ја правела
две недели, дека немислела дека ќе освои награда и дека на изложбата
учевствувала од шесто одделние.
„Маската ја започнав да ја правам пред две недели. Маската
е направена од природни материјали како пердуви од гулаби, вуница, кора од дрво
и слично. Маската ја правев сама и не мислев дека ќе освојам награда, а на
изложбата учевствувам од шесто одделение.“ –вели Ајровиќ.
Матеј Тодоров, ученик во
ООУ„Блаже Конески“-Прилеп вели дека за неговата маска се потрошени 2.500 филтри
за цигари, тутун, тутунски конец и вуница. Тодоров со маската сака да кажи дека
цигарите се штетни, но и да не се пушат толку многу цигари.
„За мојата маска се’ употребени 2.500 филтри за цигари,
тутун, тутунски конец и вуница, а истата ја изработував две недели со помош на
мајка ми. Со маската сакам да кажам дека цигарите се штетни, но и да не се
пушат толку многу цигари. Ова ми е трет пат да добијам награда. Во седмо
одделние зедов прво место, во осмо одделение зедов гран при награда и сега
чекаме награда за иновација“-вели
Тодоров.
Марина Калевска,
наставничка во ООУ„Добре Јованоски“-Прилеп вели дека маската од ова прилепско
основно училиште е доказ за големиот ученички труд и ученичка креативност.
„Упатуваме благодарност за освоената награда за
категорија од прво до петто одделение, а овогодишната награда е за четврто
одделние. Маската е доказ за големиот вложен труд на учениците за нивната
креативност.“-вели Калевска.
Анита Јовеска, член на
комисијата која ги оценуваше маските вели дека за да се избере победник
навистина е тешка работа зашто, годинава имале голем број на маски кои
прекрасно биле изработени и заслужуваат награда.
„Како и минативе години така и оваа имаме учесници од
сите основни училишта од град Прилеп како и од неколку средни училишта. Оваа
година учество на изложбава им дадовме и на најмладите, оние од градинките.
Како и изминативе години така и оваа се доделуваат награди и тоа награди од
прво до петто одделение, од шесто до деветто одделние, една маска за средни
училишта. Годинава наградени се ученици кои имаат иновативни маски, а предноста
е во рачно изработените маски.“-вели
Јовеска.
Борче Јовчески,
градоначалникот на Општина Прилеп вели дека изложбата не се разбира како
уметност и креативност туку како едно продолжување на традицијата.
„Ова не го разбираме како изложба на уметност и креативност, туку како едно
продолжување на традицијата. Сето ова дава впечаток дека Прилеп го заслужува
традиционалиот ден, ден Прочка. Во оваа прилика ги поканувам сите на
традиционалното карневалско дефиле кое ќе се случува на градскиот плоштад“-вели Јовчески.
Снежана Ристеска, советник
за култура при Општина Прилеп вели дека карневлаското дефиле во Прилеп ќе го
предводи традиционалната маска, прилепски Мечкари која што всушност е заштитен
знак на прилепскиот карневал Прочка. Ристеска додава дека на централното
карневалско дефиле ќе парадираат повеќе маски кои ќе ги покажат нивните
кореографии со музика, а од страна на стручно жири ќе бидат доделени и награди.
„Карневалското дефиле ќе го предводи нашата
традиционалната маска, прилепските Мечкари врз која е заснован и нашиот
Карневал. Веднаш потоа ќе следуваат мажурките и сите остнати маски кои ќе
парадираат до плоштадот „Методија Андонов-Ченто“ каде што ќе ги видиме нивните
кореографии со музика, а од страна на стручно жири ќе бидат доделувани
награди.“-вели Ристеска.
Инаку, утре од 12:00
часот напладне на платото под градската саат кула во центарот на Прилеп по втор
пат ќе биде презентиран стариот обичај „Амкање“, кој е предводен од членовите
на здружението „Преродба“, а во недела со почеток од 12:00 часот напладне на
градскиот плоштад „Методија Андонов-Ченто“ ќе се одржи карневаот.
#Култура
Коментари
Постави коментар