Театарската комедија „Луда Куќа“ на Драмската Секција „Слободно Театарче“ одиграна во Народниот Театар „Војдан Чернодрински“-Прилеп

Театарската комедија „Луда Куќа“ се одригра во Народниот Театар „Војдан Чернодрински“-Прилеп...

Во прилепскиот Народен Театар „Војдан Чернодрински“ синоќа беше одиграна театарската комедија „Луда Куќа“. Претставата ја играа актерите-аматери кои се членови на Драмската Секција „Слободно Театарче’’ која работи во склоп на СОУ„Ѓорче Петров“-Прилеп.

Билјана Тинтоска, ментор на драмската секција и професор по македонски јазик и литература во училиштето вели дека претставата ја подготвувале скоро два месеци , а со театарската комедија ја пренесуваат пораката за тоа какво треба да биде општеството и какви треба да бидат луѓето кои не опкружуваат.

„Претставата „Луда Куќа“ ја подготвувавме од крајот на првото полугодие, а за време на зимскиот распуст направивме кратка пауза, и кога започнавме со работа во второто полугодие претставата интензивно ја подготвувавме. Генерално нашето народно фолклорно творештво е база за народната мудрост и менталитет, култура, традиција и обичаи, а во драмата фокусот е ставен на мрзата, појава која што и денеска е мошне актуелна. Со претставата ја прнесуваме пораката за тоа како треба да биде општеството и какви треба да бидат луѓето кои не опкружуваат“-вели Тинтоска.

Тинтоска додава и дека Драмската Секција „Слободно Театарче“ која работи во склоп на СОУ„Ѓорче Петров“-Прилеп била основана од нејзина страна пред 25 години.

„Малдите сакаат да гледаат театарски претстави. Драмската Секција „Слободно Театарче“ кое работи во склоп на СОУ„Ѓорче Петров“-Прилеп јас ја основав пред точно 25 години, значи годинава таа одбележува 25 години од постоењето“-додава Тинтоска.

Филип Стојаноски, координатор на Драмската Секција „Слободно Театарче“ вели дека претставата е лесен хумор  и покажува хаотично семејство кое има непоканети гости, случај кои се случува кај 90% од македонските семејства. Според Стојаноски, претставата е производ на сите учесници во истата.

„Претставата е лесен хумор, кои покажува едно хаотично семејство кое што има непоканети гости, случај кои се случува кај 90% од македонските семејства.  На лицата од публиката треба да намамиме смеа, а истата не треба да биде многу тешка и да нема многу размислување, туку да се ужива во времетраењето на гледањето на претставата. Целата преставата е производ на сите учесници во истата“-вели Стојански.

Михаил Јордансоки, член и претседател на Драмсаката Секција „Слободно Театарче“ вели дека во претставата ја игра улогата на татко, и додава дека младите сакаат да гледаат евтини комедии.

„Во претставата „Луда Куќа“ ја играм улогата на татко кој се враќа од работа и се обидува да ги доведе работите во семсјтвото во ред.  Младите сакаат да гледаат евтини комедии, а од публиката имамвме огромно барање да направиве театарска комедија“-вели Јорданоски

Имено,  најновата претстава на Дрмската Секција „Слободно Театарче“ е по текст и режија на Филип Стојаноски, а под менторство на професорката по македонски јазик и литература во СОУ„Ѓорче Петров“-Прилеп, Билјана Тинтоска.

Во преставата играат актерите-аматери и членови на Драмската Секција „Слободно Театарче“ , Михаил Јорданоски, Михаил Тркалески, Христина Кулеска, Матеа Стојчевска, Марко Костадиноски, Тоше Тодороски, Марија Јовеска, Христина Кулеска, Теодора Димовска, Санџана Мефаилоска, Елена Илиоска, Марија Котева, Филип Стојаноски и Калина Гаралоска која што беше гостин актер-аматер од ООУ„Гоце Делчев“-Прилеп.

Техничката поддршка за театарската комедија „Луда Куќа“ беа на Вилијам Спиркоски и Сара Павлоска.

Инаку, салата во прилеспкиот Народен Театар „Војдан Чернодрински“-Прилеп беше претесна да ги собере љубителите на театарот, а смеата кај театарската публика беше неизбежна.

#Култура