Поезискиот настан се одржа во прилепската кафе-гелрија „Лувр“...
По повод денот на вљубените и лозарите, Свети Валентај и Свети Трифун по петти пат се одржа настанот „Љубење со стихови“. Настанот се одржа синоќа во кафе-галеријата „Лувр“ во Прилеп.
На настанот поезија од домашни и светски автори читаа Филип Димкоски и Лина Димоска, а исто така своја поезиска песна читаше и Цветанка Григорова, која песната ја напишала за нејзината баба.
Филип Димкоски вели дека поетското читање „Љубење со стихова“ годинава се одржува по петти пат, а тоа започнало во 2023 година токму во кафе-галеријата „Лувр“ во Прилеп.
„Поетското читање насловено „Љубење со стихови“ се случува по петти пат, а тоа е од 2023 година кога започнавме тука во кафе-галеријата „Лувр“. Минатата година во Прилеп имавме две читања, а едно претставување на „Љубење со стихови“ имавме во Битола, и ова е нашето петто издание“-вели Димкоски.
Димкоски додава и дека едно од читањата се случува на денот на вљубените и лозарите, а датумите за негово одржуваат се спонатни, а според Димкоски читањата не секогаш се поврзани со некаков повод или пак, празник.
„Едно од читањата се случува на 14 февруари, на денот на вљубените и на денот на лозарите, но датумите за одржување на истото доаѓаат спонтано, некогаш е во месец август, а негогаш во месец октомври. Не секогаш е позвразно со некаков повод или пак празник“-додава Димкоски.
Лина Димоска вели дека дека прекрасно се чувствува и се надева дека настанот ќе прерасне во традиција.
„Прекрасно се чувствувам и драго ми е што повторно со Филип одлучивме да го оргазнизираме ова читање по повод денот на вљубените. Мината година организиравме исто така на овој ден, и некако се договоривме годинава повторно да го задржиме и да ни прерасне како некоја традиција. Драго ми е што секоја година имаме голем број на посетители.“-вели Димоска.
Димоска додаава и дека настанот е конципиран да се одржува на место каде што луѓето ќе можат да уживаат, да се напијат нешто и секако да уживаат во поезијата која што е посветена токму на денот на вљубените.
„Засега не планираме настанот да го одржуваме во големи сали зашто самиот концепт на настанот не е класичен, туку истиот е замислен каде љуѓето ќе слушаат поезија и ќе се напијаат нешто, а пред се’ да уживаат во самата атмосвера. Ниту еден настан не е планиран неколку месеци однапред, сите настани се случуваат спонтано. Чувствуваме дека има потреба нештото да го направиме и го правиме“-додава Димоска.
Имено, на настанот песни на поезија се читаа од авторите Цане Гарески, Сузана Ѓеоргиевска, Кочо Рацин, Блаже Конески, Биљана Велкоска, Далибор Ивановиќ и Звонко Димоски, а на истиот присутен беше и самиот Цане Гарески.
Инаку, на настанот присутна беше и претседателката на советот на Општина Прилеп, Ирена Стерјовска-Локвенец, која што исто така прочита поезиска песна од Ана Бунтеска, а на крајот Филип и Лина беа наградени со убав и милозлив аплауз.
#Култура
Коментари
Постави коментар