Манифестацијата „Љубов и вино“ во НУЦК„Марко Цепенков“-Прилеп

Во НУЦК„Марко Цепенков“-Прилеп ќе се одржи манифестацијата „Љубов и вино“

На 14.02.2025 година со почеток од 18:00 часот  во фоајето од НУЦК „Марко Цепенков“-Прилеп ќе се одржи поетско музичката манифестација насловена како „Љубов и вино“, а истата ја реализираат НУЦК „Марко Цепенков“-Прилеп и Клубот на литературни творци Прилеп.

Претседателката на Клубот на литературни творци од Прилеп вели дека манифестацијата стана традиција, а вечерта е посветена на љубовта и виното која веќе е традиција.

„Манифестацијата стана традиција. Поетско музичката вечер е посветена на љубовта и виното, што стана веќе традиција. Ќе думаме за љубовта, за првите бакнежи, за виното и ќе го празнуваме св. Трифун и св. Валентајн, денот на вљубените“ - вели Ристеска.

Инаку, на манифестацијата  со љубовна поезија ќе се претстават 25 поети од прилепскиот литературен клуб, а лирски музички звуци ќе презентираат  ученици од ОМУ „Ордан Михајлоски - Оцка“-Прилеп.

#Култура