Кристијан Демјански ја промовираше својата прва авторска песна „Јас морам да се борам“ (Видео)

Демјански се прослави по учеството и победата на „Пат до ѕвездите“...

Кристијан Демјански е новото музичко име кое ја освојува македонската сцена. Почнувајќи од својот прв настап на детскиот фестивал во Берово, па сè до освојувањето на престижното музичко шоу „Пат до ѕвездите“, Кристијан е пример за тоа како упорноста, талентот и страста се клучни за успех во музичката индустрија.

Во 2023 година, Кристијан го круниса својот успех станувајќи првиот победник на популарното шоу „Пат до ѕвездите“. Како дел од наградата, тој сними три песни, а неговиот прв сингл „Јас морам да се борам“ стана вистински хит веднаш по објавувањето. Песната е резултат на соработката со реномираниот композитор и аранжер Мите Стоилков и текстописецот Огнен Неделковски. Снимањето се одвиваше во елегантниот хотел Аурора спа ресорт, а за визуелната продукција беше задолжена една од најдобрите - Арт Студио Продукција.

„Јас морам да се борам“ е љубовна балада која преку својата емотивна мелодија и инспиративна порака ги освои срцата на македонската публика. Фановите брзо го прифатија Кристијан како нова музичка ѕвезда, благодарение на неговиот уникатен стил и впечатливи вокални способности. Песната стана симбол на новиот бран квалитетна македонска музика, која допира до срцата на слушателите.

„Секој нов проект за мене е нова авантура. Со голема страст, љубов и храброст продолжувам да ја освојувам музичката сцена. Љубовта кон музиката и упорноста се основата на мојот успех, и верувам дека тие ќе ме водат до нови и поголеми успеси“- вели Демјански.

Кристијан Демјански е посветен да продолжи да создава музика која инспирира и радува, ветувајќи дека неговата кариера е само на почетокот на големите успеси.

Екипата на ИНФО-ПРИЛЕП на Кристијан му посакува успеси, а вас драги читатели ви посакуваме убаво расположение и се надеваме дека песната ќе ви се допадна и вас, како што ни се допадна и нас.

#Естрада