Се омажи прилепчанката Благица Вељаноска

Вељаноска за новогодишната ноќ го кажа судбоносното да...

Прилепчанката Благица Вељаноска која неодамна ја издаде својата прва песна насловена како „Петлите пеат, зора се зори“ на новогодишната ноќ му го кажа судбоносното да на својот партнер Баки Колев.

Како што вели Вељаноска запросувањето било организирано од страна на нејзиниот партнер Колев и од страна на нејзините пријатели, а запросувањето се случило на градскиот плоштад во Неготино.

„Запросувањето се случи точно во 24 часот за нова година на градскиот плоштад во Неготино. Запросувањето било организирано заедно со моите пријатели од Прилеп“-вели Вељаноска.

Инаку, Вељаноска е по потекло од Прилеп и истата се прослави по учеството во македонското музичко шоу „Фолк Ѕвезда“. Партнерот на Вељаноска е по потекло од Неготино каде што и живее.

Екипата на ИНФО-ПРИЛЕП на Благица и Баки им го честитаме стапувањето во брак и им посакуваме долги и среќни брачни денови во љубов и слога.

#Естрада