Во НУЦК„Марко Цепенков“-Прилеп утре ќе биде отворена изложбата на дела од „Мал Битолски Монмартр“

Изложбата е во ликовната галерија од НУЦК„Марко Цепенков“-Прилеп...

Во ликовниот салон од НУЦК„Марко Цепенков“-Прилеп утре ќе биде отворена изложбата на дела од Малиот Битолски Монмартр.

Иложбата е единаесетта изложба по ред од светската ликовна колонија „Мал Битолски Монмртр“ во Прилеп која што е во соработка со НУЦК„Марко Цепенков“-Прилеп. Битолското детско ликовно студио свети „Кирил и Методиј“ кое работи 57 години, во последниве 44 години редовно ја организира оваа најстара светска детска ликовна колонија, на која што само на конкурсот „Битола“ за 2024 година имаше пристигнато околу 800 пратки од исто толку државни и приватни школи од над 85 држави кои генерираат фонд од над 60.000 детски ликовни цртежи. Всушност, тоа е и основ и мотив од 23 до 31 мај во Битола да бидат поканети 25 делегации од 22 држави кои учевствуваат со над 180 учесници на 43 издание на „Мал Битолски Монмартр“ на кој традиционално 7 дена се твореше на тема староградска битолска архитектура, а беа реализирани и еднодневни посети во Охрид и илјада годишниот манастир свети „Јован Битолски“.

Колонијата има генерирано над 600 дела со што вкупниот збир на цртежи на конкурсот и колонијата надмина над 1.500.000 цртежи за 44 години. Во Прилеп е под насловот „Мал Битолски Монмартр“. Детското ликовно студио свети „Кирил и Методиј“-Битола со НУЦК„Марко Цепенков“-Прилеп веќе 11 години без прекин ја реализираат изложбата на сегмент од овие дела со надеж дека учесниците наскоро ќе можат еден работен колонски ден да поминат и во Прилеп.

 

#Култура