Отворена е изложбата „Благовестие во бои” од уметникот Златко Лечковски

Изложбата е посветена на семејството христијански светци…

По повод празикот и патрон на град Прилеп, Свети Никола денеска во фоајето од НУЦК„Марко Цепенков”-Прилеп беше отворена изложбата на икони од битолскиот уметник Златко Лечковски. Изложбата е во годишната програма за работа на НУЦК„Марко Цепенков”-Прилеп и истата е со наслов „Благовестие во бои”, а е организирана од страна на Општина Прилеп и НУЦК„Марко Цепенков”-Прилеп.

На изложбата има изложени 20 дела (икони), а како главна се двои иконата на светиот Никола.

Златко Лечковски за неговата изложба вели дека делата се изработени во техниката акрил, а меѓу нив е мотивот на христијанските светци. Лечковски во својата изјава за медиумите додава дека неговото творештво го посветува на целата иконографија затоа што тоа била неговата мисија.

Горјан Василески кој е куратор на изложбата од Лечковски за изложбата од Л вели дека византиската уметност се доближувано кон духовниот свет и преку него го забележуваме тој спој помеѓу материјалното и духовното. Фреските најмногу се анализираат преку очите. Василески исто така вели дека Лечковски е сериозен иконописец затоа што тој ги живее правилата, а христијанското чувство и сваќање го пренесува на другите.

Имено, на изложбата присутни беа прилепскиот градоначалник Борче Јовчески, претседателката на Советот на Општина Прилеп, Ирена Стерјовска-Локвенец, портпаролот на Општина Прилеп, Христијан Тунески како и директорот на НУЦК„Марко Цепенков”-Прилеп, Марија Попова-Јованоска.

Инаку, Златко Лечковски е роден во Битола во 1982 година.

Од најмала возраст се пронаоѓа во ликовната уметност.Како средношколец, две години работи како ученик во ателјето при храмот “Пресвета Богородица“ во Битола, кај еминентните зографи Ристо Димовски и Никола Крнчев, и тогаш за првпат зема учество во групната изложба на икони, во организација на таа иконописна работилница.

Во периодот што следува, се посветува на изработка на икони за иконостаси, како и делови од живопис на ѕид, во неколку цркви и манастири во Преспанскиот регион, како и во соседна Грција. Со негови икони учествувал во неколку заеднички изложби, како и 10-тина самостојни, во најразлични градови од нашава земја Негови дела можат да се видат низ земјите од Европа, а значајно е да се спомнат неколкуте икони што ги изработува за бискупот на Англиканската црква Ричард Чартрес и една икона за папата Франциско.Денес Лечковски живее и работи во родната Битола.

Љубителите на уметноста изложбата од Лечковски ќе можат да ја видат до 25.12.2024 година до 10:00 часот наутро.