Филм „УБИЈ ги ПРВО ДЕЦАТА“ во киното „Мис Стон“ во Прилеп

Филм „УБИЈ ги ПРВО ДЕЦАТА“ во прилепско „Мис Стон“...

Филмот „УБИЈ ги ПРВО ДЕЦАТА“ премиерно ќе се прикажува во прилепското кино „Мис Стон“ кое работи во склоп на НУЦК„Марко Цепенков“-Прилеп. Премиерата е закажана за 26.11.2024 година (вторник) од 19:00 часот.

„УБИЈ ги ПРВО ДЕЦАТА“ е младалачки, шармантен, шизички и љубовен филм кој прво ќе ви ја убие досадата, а потоа и ќе го привлече вашето внимание. Филмот исто така е и урбана тема, гај рачиевски ритам, супер музика, одличен микс на професионални глумци и натуршчици, реплики за паметење, а и филм кој ќе ве освежи вас и вашето внимание.

Имено, режијата за филмот е на Димитар Оровчанец, продукцијата е на „Трис Филмс“ и „ДМФ Филмс’’, а годината на негово производство е 2024. Дизајнер на продукцијата е Сашо Блажевски, костимите се на Ина Чолак, Калина Игновска е одговорна за монтажата, а музиката за филмот е доверена на Игор Василев-Новоградска. 

„Убиј ги прво децата“ е комична приказна за тинејџерка балерина, нејзиниот лудо вљубен дечко и неговиот налудничав најдобар другар со украден полициски пиштол кои се губат во најдлабоките лавиринти на криминалното подземје заради мобилен телефон што содржи компромитирачко видео.“- ја опишува кратката содржина на филмот.

Инаку, во филмот играат Миа Жиро, Стефан Спасов, Мартин Ѓоргоски, Стефан Вујисиќ, Адран Азири, Александар Ѓоргиески и други. Филмот имаше светска премиера на 30 филмски фестивали во Сараево и ширум Босна и Хергеговина, а го затвори и 45-то издание на Интернационалниот Фестивал на Филмска Камера (ИНФФК) „Бараќа Манаки“ што се одржа во Битола.

#Култура